حد كلمنى امبارح وقالى ان فى تدوين يوم 10 ضد المجلس العسكرى .. قولتله هندخل نشتم يعنى؟؟ .. قالى أه .. قولت قشطة (مع انى ماليش فى الشتيمة قوى)
وبما انى حد ناصح قوى قولت أعمل بقى مدونة جديدة ومش باسمى عشان متقفشش (ماهو لازم يلمولهم كام واحد فى اليوم ده) وبما انى مؤمنة بنظرية ((يحدث للأخرين فقط)) بتاعت رفعت اسماعيل قولت على بركة الله نبدأ المدونة الجديدة
وقعدت أفكر فى اسمها كل مايجى ف بالى حاجة .. أقول لنفسى ماهو ده اللى خدناه من الثورة .. عشان كده بقت((آدى اللى خدناه من الثورة))
وقعدت أفكر فى اسمها كل مايجى ف بالى حاجة .. أقول لنفسى ماهو ده اللى خدناه من الثورة .. عشان كده بقت((آدى اللى خدناه من الثورة))
ليست هناك تعليقات:
إرسال تعليق